Burgosja e Salianjit/ “Ndërkombëtarët po flasin”, Gjekmarkaj: Institucionet e drejtësisë refuzojnë komisionin “Xhafaj” 03/10 17:51
Opozita e nisi këtë të enjte me një aksion të mirëmenduar, pas përjashtimit nga Kuvendit të shumicës prej tyre.
Tensioni, dhuna, përleshje dhe flakët mbizotëruan kësaj radhe vetëm në oborrin e Kuvendit, ndërsa ka ardhur edhe një reagim nga Ervin Salianji, i cili po vuan dënimin në burgun e Fierit.
Salianji shkruan se dhuna dhe brutaliteti më i madh është eliminimi i kundërshtarit politik duke asgjësuar dhe nënshtruar institucionet.
“Shfaqja e agresorëve si viktima, e dhunuesve si të dhunuar, e abuzuesve si të prekur nga prekja e pronës publike është hipokrizi neveritëse.
Njësoj siç vjedhin dhe përgjegjësinë e mbajnë denoncuesit, siç shkretojnë dhe shkatërrojnë, siç e ndajnë Shqipërinë si plaçkë lufte për bandat dhe mes bandave, siç përndjekin administratën, shkatërrojnë meritokracine, sot po përpiqen të sillen si viktima.
Dhuna dhe brutaliteti më i madh është eleminimi i kundërshtarit politik duke asgjësuar dhe nënshtruar institucionet. Duke përdorur institucionet, si komisionet e partisë, për të fshikulluar dhe hequr lirinë dhe asgjësuar të drejtat.
Krimi më i madh është shkatërrimi i demokracisë, shtetit të së drejtës dhe sundimit të ligjit. Pas vrasjes, burgosja politike është forma më e rëndë dhe më brutale e dhunës. Opozita po mbrohet dhe po mbron demokracinë dhe interesin publik“-thuhet në reagimin e Salianjit.
Top Channel
