“Do të zbatojmë politikën më të ashpër antiamerikane”, Kim Jong Un zotohet: Kundërveprimi do të nisë në mënyrë agresive 29/12 14:15
Lumi Buna është kthyer në një nga destinacionet më të preferuara të turistëve vendas dhe të huaj që zgjedhin të vizitojnë Shkodrën.
Pamjet e peizazheve mbresëlënëse që ofron Buna i ndau sot në rrjetet sociale kryeministri Edi Rama, që ndër të tjera thotë se “ Buna është një parajsë e fshehur vetëm pak kilometra nga Shkodra, ku natyra shijohet në një tjetër përmasë për të krijuar emocione krejt të veçanta gjatë këtyre ditëve të gushtit”.
Me qëllim nxitjen e turizmit, në Shkodër po zgjerohen investimet. Aktualisht në hyrje të qytetit në afërsi të Urës së Vjetër të Bunës, po punohet për molin e ri me një platformë lundruese, e përshtatshme për lidhjen e varkave.
Ndërtimi i tre moleve në Shkodër si dhe ndërlidhja kufitare me lundrim dhe rrugë me fshatrat në breg të liqenit në Malin e Zi do t’i hapë një perspektivë krejt tjetër turizmit në këtë zonë.
Top Channel
