Forcat izraelite sulmojnë sërish Gazën, raportohet për 15 palestinezë të vrarë 20/09 16:31
Cianidi është gjetur në gjakun e të gjashtë personave që vdiqën në një suitë hoteli luksoz në Bangkok, thonë mjekët pas ekzaminimit të trupave të tyre.
Bazuar në ekzaminimin pas vdekjes, ata thonë se nuk ka “asnjë shkak tjetër” që do të shpjegonte vdekjen e tyre “përveç cianidit”.
Por ata po bëjnë teste të mëtejshme për të përcaktuar “intensitetin” e kimikatit vdekjeprurës dhe për të përjashtuar çdo toksin tjetër.
Hetuesit mjeko-ligjorë kishin gjetur më parë gjurmë cianidi në filxhanët e çajit të përdorura nga viktimat, të gjitha me origjinë vietnameze. Policia dyshon se një nga të vdekurit qëndronte pas helmimit dhe ishte shtyrë nga borxhi dërrmues.
Buzët dhe thonjtë e viktimave ishin kthyer në ngjyrë vjollce të errët që tregon për mungesë oksigjeni, ndërsa organet e tyre të brendshme u kthyen në “të kuqe si e gjakut”, që është një tjetër shenjë e helmimit me cianid, tha profesori Kornkiat
Vongpaisarnsin i Departamentit të Mjekësisë Ligjore në Universitetin Chulalongkorn.
Doktori Chanchai Sittipunt, dekani i Fakultetit të Mjekësisë, tha se ata ende duhej të zbulonin se sa cianid kishte në gjakun e të ndjerit.
“Por nga ajo që kemi zbuluar – nga vëzhgimi, nga kontrolli i organeve të brendshme, nga gjetja e cianidit në gjak gjatë testit- nuk ka asnjë shkak tjetër që do të ishte faktori që do të shkaktonte vdekjen e tyre, përveç cianidit,” tha ai. gazetarët.
Të vdekurit u gjetën nga punonjësit e hotelit Grand Hyatt Eraëan në kryeqytetin tajlandez të martën në mbrëmje. Hetuesit besojnë se ata kishin vdekur 12 deri 24 orë para se të gjendeshin.
Misteri rreth zbulimit tronditës bëri bujë ndërkombëtare. Kryeministri i Tajlandës Srettha Thavisin urdhëroi një hetim urgjent për rastin, duke theksuar se vdekjet ishin rezultat i një “çështjeje private” dhe nuk kishte asnjë sugjerim për rrezik publik.
Policia atëherë ka filluar të mbledhë dëshimitë për çfarë ka ndodhur.
Dy nga gjashtë viktimat i kishin dhënë hua “dhjetëra milionë baht Thai” njërit prej atyre që u gjendën të vdekur, për qëllime investimi, thanë autoritetet. Dhjetë milionë baht janë me vlerë rreth 280,000 dollarë (215,000 £).
Më herët të mërkurën, zëvendës shefi i policisë së Bangkok, Gjeneral Noppassin Poonsaëat tha në një konferencë për shtyp se grupi hyri në hotel veçmas gjatë fundjavës dhe iu caktuan pesë dhoma – katër në katin e shtatë dhe një në katin e pestë.
Ata ishin planifikuar të dilnin të hënën, por nuk arritën ta bënin këtë.
Katër nga viktimat janë shtetas vietnamezë Thi Nguyen Phuong, 46 vjeç, bashkëshorti i saj Hong Pham Thanh, 49 vjeç, Thi Nguyen Phuong Lan, 47 vjeç dhe Dinh Tran Phu, 37 vjeç.
Dy të tjerët janë shtetasit amerikanë Sherine Chong, 56 vjeç dhe Dang Hung Van, 55 vjeç. Departamenti Amerikan i Shtetit ka shprehur ngushëllimet e tij dhe tha se po “monitoron nga afër” situatën. Byroja Federale e Hetimit të SHBA po ndihmon autoritetet tajlandeze në hetim, tha zoti Srettha.
Top Channel
