Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Rusia ka neutralizuar 114 dronë të lëshuar nga Ukraina gjatë natës, teksa të paktën një person është vrarë gjatë sulmeve, thanë zyrtarët më 21 qershor.
“Sistemi rus i mbrojtjes ajrore ka detektuar dhe shkatërruar 70 dronë mbi Krime dhe në Detin e Zi, 34 dronë mbi rajonin e Krasnodarit dhe një dron mbi Volgograd”, tha Ministria ruse e Mbrojtjes përmes një deklarate.
Në Krasnodar një punonjës i një stacioni të ngrohjes u vra kur një dron goditi ndërtesën pranë stacionit të trenit në Juzhni, tha përmes një postimi në Telegram guvernatori i këtij rajoni, Venyamin Kondartyev.
Ukraina, që po përballet me pushtimin që Rusia nisi ndaj saj më shumë se dy vjet më parë, muajt e fundit ka intensifikuar sulmet në territorin rus, duke shënjestruar ndërtesa të energjisë.
Sulmet ruse me raketa dhe dronë që kanë goditur ndërtesat e energjisë të Ukrainës kanë dëmtuar kapacitetin për gjenerimin e energjisë nga shteti dhe kanë bërë që të ketë ndërprerje të vazhdueshme të energjisë. Këto sulme po ashtu kanë detyruar Kievin që të importojë energji elektrike nga Bashkimi Evropian./Rel
Top Channel
