Gruaja nga Missouri merr pafajësinë 43 vjet pas burgut, për vrasjen e kryer nga ish-polici (fotot)
15/06 21:47
Familjet e njerëzve Rohingya të bllokuar në perëndim të Myanmar po përpiqen të kontaktojnë me të afërmit pas një fundjave me zjarre masive që zhvendosën deri në 200,000 njerëz dhe shkaktuan shkatërrime të mëdha
Aktivistët e të drejtave Rohingya dhe ish-zyrtarët thanë se mijëra njerëz ishin detyruar të largoheshin nga shtëpitë e tyre për t’i shpëtuar zjarreve, teksa një pjesë e madhe janë të shkrumbuara.
Raportohet nga mediat e huaja se aktivistë dhe të afërm të banorëve kanë pretenduar se ushtarët djegin dhe plaçkitin shtëpitë e qytetarëve, duke penguar njerëzit të kthehen në shtëpi.
Ndër të tjera raportohet se ata i kanë konfiskuar telefonat, duke i kërcënuar me vrasje ata që përpiqen të kontaktojnë familjen jashtë vendit.
Një ndërprerje e internetit dhe telekomunikacionit po e bën pothuajse të pamundur që të afërmit të flasin me anëtarët e familjes dhe me gazetarët.
Aktivistët dhe grupet ndërkombëtare të monitorimit po verifikojnë saktësisht se çfarë ndodh atje.
Gra dhe fëmijë, kanë kaluar disa netë duke u fshehur në fusha të hapura pa ushqime, ilaçe ose sende. Raportohet gjithashtu për një numër të pakonfirmuar viktimash.
Që nga marrja e pushtetit në një grusht shteti në shkurt 2021, ushtria ka luftuar një luftë civile në zgjerim kundër grupeve të armatosura etnike dhe forcave të rezistencës popullore në të gjithë Mianmarin.
Top Channel
