Bashkimi Evropian ndalon katër media ruse 17/05 22:21
Një digë hidroelektrike është shembur në Brazilin jugor, pas ditëve të shiut të dendur që shkaktuan përmbytje masive, duke vrarë më shumë se 30 persona.
Zyrtarët njoftuan se 60 persona të tjerë janë të zhdukur në shtetin Rio Grande do Sul. Rreth 15,000 banorë janë larguar nga shtëpitë e tyre që nga e shtuna. Të paktën 500,000 njerëz janë pa energji dhe ujë të pastër në të gjithë shtetin.
Diga e shpërthyer shkaktoi një valë dy metra, duke shkaktuar panik dhe dëme të mëtejshme në zonat tashmë të përmbytura.
Moti ekstrem është shkaktuar nga një kombinim i rrallë i temperaturave më të nxehta se mesatarja, lagështia e lartë dhe erërat e forta.
Helikopterët janë vendosur për të kërkuar personat e bllokuar. Në disa zona, përmbytjet janë aq të rënda sa helikopterët nuk kanë mundur të zbarkojnë dhe u është dashur t’i çojnë banorët në siguri.
Në komunën Candelária, banorët u ngjitën në çatitë e shtëpive të tyre ndërsa shtëpitë e tyre u mbushën me ujë.
Top Channel
