![](https://top-channel.tv/wp-content/uploads/2024/09/3_sd-2-800x450.jpg)
Ish-presidenti Bamir Topi, i ftuar në emisionin S’e Luan Topi me moderatoren Erjona Rusi në Top Channel bëri një rrëfim krejt ndryshe të jetës së tij, ku nuk munguan edhe emocione, të cilat ish-kreu i shtetit nuk i kishte shprehur më parë.
Gjatë rrëfimit të momenteve të veçanta të jetës, Topi u surprizua nga një letër e shkruar nga vajzat e tij, gjë për të cilën u shpreh tepër i habitur pasi kishte theksuar se të bijat nuk preferonin të dilnin në publik.
Ai tha se pavarësisht se herëve të tjera gjatë karrierës politike ia kishte dalë të mbulonte emocionet e tij, në këtë rast nuk ia doli dot.
“Përgjithësisht politikanët i mbulojnë emocionet e tyre nëpër studio por ky ishte një moment thyerje. Më dhanë shumë emocione sepse nuk janë natyra që shprehen, mund të jetë rasti i parë ky. Mund të jetë edhe merita jote (Erjona Rusi) kjo në fakt. Më kanë dhënë shumë emocione dhe po e shpreh që jam i emocionuar. Njeriu kur shikon që vajzat bëhen nëna sigurisht hyn në një fazë tjetër që duket sikur për ty ka ardhur një stad tjetër”- tha ndër të tjera ish-presidenti.
Top Channel