Irani konfirmon se do t’i diskutojë çështjet bërthamore me tri shtete perëndimore/ Pritet të gjejë zgjidhje para rikthimit të Trump 24/11 15:21
Njeriu që vrau gjashtë persona në një qendër tregtare të Sidneit, dihej se vuante nga probleme të shëndetit mendor dhe ishte i magjepsur pas armëve.
Policia të dielën e identifikoi sulmuesin si Joel Cauchi, një 40-vjeçar i cili kohët e fundit ishte zhvendosur nga Queensland në Sydney, ku kishte qenë i pastrehë. Cauchi kishte jetuar me skizofreni dhe kishte përdorur droga duke përfshirë metamfetaminën dhe psikedelikët, besojnë hetuesit. Ai nuk kishte një histori kriminale në shtetin e tij të origjinës, por ishte i njohur për autoritetet për shkak të sjelljeve të tij.
Të shtunën, Cauchi hëngri drekë në një restorant me kerri në Bondi Junction përpara se të kalonte nëpër qendrën tregtare Ëestfield ku nxori një thikë nga çanta e shpinës. Ai u hodh mbi blerësit, duke goditur me thikë të paktën 17 njerëz, duke përfshirë një foshnjë që ishte shtrirë brenda një karroce të shtyrë nga nëna e saj Dr Ashlee Good.
Dr Good vdiq në spital të shtunën mbrëma, duke e çuar numrin e të vdekurve nga sulmi në gjashtë. Vajza e saj qëndroi në spital të dielën. Pesë persona humbën jetën brenda qendrës tregtare. Këto viktima përfshinin katër gra që besohet të jenë të moshës nga 20 deri në 55 vjeç dhe një burrë rreth të 30-tave.
“Dymbëdhjetë të tjerë, përfshirë nëntë gra, dy burra dhe një fëmijë nëntë muajsh, që pësuan plagë me thikë, u dërguan në spitale të ndryshme të Sidneit”, tha policia e Uellsit të Ri Jugor të dielën në mëngjes.
Cauchi u qëllua për vdekje nga një police, inspektorja Amy Scott, dhe vdiq pavarësisht përpjekjeve të saj për të kryer CPR. Anthony Cooke, Ndihmës Komisioneri i Policisë së Uellsit të Ri Jugor, konfirmoi se policia kishte kontrolluar një kontejner magazinimi të përdorur nga vrasësi.
“Ne po vazhdojmë të punojmë përmes profilizimit të shkelësit, por shumë qartë për ne në këtë fazë do të duket e lidhur me shëndetin mendor të individit”, tha Cooke.
Një 25-vjeçare që u vra gjatë këtij sulmi, kishte blerë disa ditë më parë fustanin e nusërisë. Ajo ishte vajza e një multimilioneri dhe do të martohej me të dashurin e saj të shkollës së mesme, oficerin e policisë NSW Ashley Wildey, në muajt e ardhshëm. Javën e kaluar, ajo bleu fustanin e saj të nusërisë dhe filloi t’u dërgonte ftesën e dasmës të afërmve dhe miqve të saj.
Top Channel
