Pasi u vendos çdo detaj për transferimin e Bonucci-t, pronarët e Romës “hedhin gjithçka në erë”

Lojtari kishte marrë miratimin e Mourinho-s në orët e fundit, i cili kishte pasur një bisedë me italianin dhe në mungesë të alternativave miratoi transferimini e tij. Kushtet ekonomike ishin “shumë të favorshme” sepse Bonucci pranoi të ulte pagën për t’u kthyer në Itali.

Megjithatë, në fund pronari i klubit të Romës, Dan Friedkin vendosi që të mos e kryej këtë transferim. Sipas raportimeve të medieve italiane, e gjitha lidhet me çështjet tekniko-ekonomike.

Shpenzimi i rreth 2 milionë euro bruto për një lojtar që do të mbushë 37 vjeç në 2024-ën shihet si një veprim i gabuar nga pronarët e “verdhekuqve”.

Padyshim që Roma do të vazhdojë të kërkojnë një mbrojtës, duke pasur parasysh mungesën që ka në këtë repart për shkak të dëmtimeve./ Super Sport

Top Channel