Arrihet marrëveshja për mos mbylljen TikTok në SHBA, akordi mund të nënshkruhen të enjten nga Trump dhe Xi Jinping 27/10 23:00
Autoritetet gjermane sekuestruan një ditë më parë në afërsi të qytetit të Aachenit gati 300 kg të drogës kaptagon, sasia më e madhe e kësaj lënde narkotike e sekuestruar ndonjëherë në vend.
Vlera e saj e tregut llogaritej në mbi 60 milionë euro. Por, çfarë është kaptagoni, i njohur ndryshe dhe si “ “kokaina e të varfërve”, po kthehet në drogën e preferuar mes të rinjve në të gjithë Lindjen e Mesme dhe Afrikën e Veriut. Sekuestrimi i bërë në Gjermani ishte dëshmia shqetësuese se kjo lloj droge mund të jetë më e zakonshme në vendet europiane nga sa mendohej deri tani. Kaptagoni është shpallur i paligjshëm që në 1986-tën në shumicën e vendeve, por nga fillimi i viteve 2000, një variant i paligjshëm i tij nisi të shfaqej në Europën Lindore dhe Lindjen e Mesme.
Deri vonë megjithatë, prania e këtij narkotiku nuk ishte dhe kaq e madhe në Europë. Kjo drogë sintetike u prodhua për herë të parë në Gjermani në vitet 1960, me qëllim trajtimin e çrregullimeve të mungesës së vëmendjes, por pati raporte të mëvonshme se ajo qe përdorur nga luftëtarët në konfliktin sirian për të rritur performancën luftarake dhe për të reduktuar lodhjen.
Efektet e saj në sistemin nervor janë të ngjashme me amfetaminën. Përdorimi i tepërt sakaq, bart rrezikun e humbjes së funksioneve kognitive dhe të problemeve kardiovaskulare, ndërsa mund të krijojë varësi. Ka rritje të shqetësimeve se kaptagoni po bëhet gjithnjë e më shumë një problem për vendet europiane.
Një raport i fundit nga Qendra Evropiane e Monitorimit për Drogën dhe Varësinë nga Drogat (EMCDDA) sugjeron se Europa mund të bëhet një zonë kryesore e transportit për kaptagon-in me destinacion Lindjen e Mesme.
Top Channel
