Azerbajxhani në zi për viktimat e aksidentit ajror/ 38 persona humbën jetën, vijojnë hetimet për ngjarjen 26/12 14:33
Politikani i burgosur i opozitës ruse Alexey Navalny është zhvendosur në një burg në një rajon të Arktikut në pjesën veriore të Rusisë, tha zëdhënësja e tij të hënën, pasi aleatët e tij humbën kontaktin me të për më shumë se dy javë.
Pas gjurmimit, u konfirmua se vendndodhja e Navalnyt është në qendrën e internimit IK-3 në Kharp të rajonit Yamal-Nenets, rreth 1 mijë e 900 kilometra në lindje të Moskës, tha zëdhënësja Kira Yarmysh.
Avokati i Navalnyt ra në kontakt me klientin e tij të hënën, tha ajo.
Aleatët e tij, që po përgatiteshin për transferimin e tij të pritshëm në një burg të shkallës më të lartë të sigurisë në sistemin e burgjeve ruse, thanë se ai nuk është takuar me avokatët që nga 6 dhjetori dhe ngritën alarmin mbi fatin e tij.
“Mirënjohje për mbështetësit tanë, aktivistët, gazetarët dhe mediat që janë shqetësuar për fatin e Alexeit dhe që nuk lodhen së shkruari për situatën”, tha avokati i opozitarit Navalny, Ivan Zhdanov.
Ai tha se mbështetësit e tij dërguan 618 kërkesa për informacion lidhur me vendndodhjen e Navalnyt, i cili po mbahej në një burg rreth 235 kilometra në lindje të Moskës.
Top Channel
