Shtatë arsye pse po humbisni masën muskulare, edhe pse po “torturoheni” në palestër

Prandaj, ka shumë studime që u fokusuan në forcimin e muskujve duke ekzaminuar një dietë që mbron muskujt dhe djeg dhjamin, stërvitje që ndihmon në ndërtimin e muskujve por edhe frekuencën e tij.

Por cili është faji dhe pavarësisht përpjekjeve masa muskulore tërhiqet? Nutricionistja Mary Sabat, së bashku me terapistin fizik Michael Masi, renditin tetë arsyet më të mundshme që ne nuk i arrijmë qëllimet tona.

Kufizimi i kalorive

Gabimi kryesor në luftën kundër peshës trupore është shkurtimi i pakontrolluar i kalorive. “Kufizimi i tepërt i kalorive mund të çojë në humbje të muskujve sepse trupi fillon të shpërbëjë indet e muskujve për energji kur nuk merr kalori të mjaftueshme nga ushqimi”, shpjegon Sabat.

Stresi intensiv

Stresi kronik rrit prodhimin e kortizolit, një hormon që mund të pengojë rritjen e muskujve kur është në nivele të larta për periudha të gjata, shpjegon Sabat.

Humbje e shpejtë në peshë

Humbja e shpejtë e peshës, veçanërisht pa ushqimin e duhur, do të reduktojë yndyrën, por edhe shumë masë muskulore. Sipas Sabat, kjo goditje do ta detyrojë trupin të plotësojë nevojat e tij për energji përmes yndyrës dhe muskujve.

Lëvizja e pamjaftueshme

Sipas Akademisë Kombëtare të Mjekësisë Sportive të SHBA-së, pasiviteti i zgjatur është shkaku numër një i mosformimit të muskujve. “Pasiviteti redukton përdorimin dhe stimulimin e muskujve, duke shkaktuar dobësimin dhe tkurrjen e fibrave të muskujve me kalimin e kohës”, shpjegon Sabat.

Mungesa e proteinave

Proteina është e nevojshme për mirëmbajtjen dhe rindërtimin e muskujve. Mungesa e makronutrientit mund të çojë gradualisht në ngecje të rritjes apo edhe humbje të muskujve, edhe nëse jeni duke “u torturuar” në palestër.

Pak gjumë

Ashtu si me çdo funksion tjetër trupor, gjumi është thelbësor për rikuperimin e muskujve. Gjumi i pamjaftueshëm prish rregullimin e hormonit të rritjes dhe testosteronit, të cilët luajnë një rol kyç në rikuperimin e muskujve.

Trajnimi i të njëjtit grup muskujsh

Sipas ekspertëve, fokusimi në një grup muskujsh rezulton në lodhje të muskujve dhe reduktim ose humbje të asaj që ke fituar.

Top Channel