Qytetarët investonin projekte të pasigurta pas parashikimeve, arrestohet “fallxhorja” së bashku me të bijën në Australi, përfituan me mashtrim 46 mln dollarë 13/11 10:58
Trupat gjermane po tërhiqen nga baza afrikane në Gao, Mali teksa misioni paqeruajtës mbyllet në fund të vitit me kërkesën e vendit që ka vendosur të linjëzohet me bllokun rus.
Në pamjet e publikuara sot shiheshin ushtarakët që çmontonin pajisjet e tyre për t’i transportuar përsëri drejt Gjermanisë.
Këshilli i Sigurimit i dha fund të premten misionit 10-vjeçar aty, pasi junta ushtarake nxiti largimin e trupave teksa bëhet palë politike me Rusinë.
Vota e mbylljes së misionit nga Këshilli i Sigurimit erdhi dy javë pasi ministri jashtëm Abdoulaye Diop shtangu zyrtarët e OKB në një fjalim ku tha se ata “kishin dështuar” dhe kërkon fundin e menjëhershëm.
Marrëdhëniet e Mali kombet e Bashkuara janë përkeqësuar që prej grushtit të shtetit në 2020 që solli në pushet regjimin ushtarak i cili ndërpreu lidhjet me Francën, ish-fuqia koloniale e vendit.
Tashmë junta është vendosur në krahun rus dhe ka sjellë në vend mercenarët e grupit Wagner, të cilët u përfolën për një revoltë ndaj presidentit rus Vladimir Putin dy muaj më parë.
“Na vjen keq për vendimin e qeverisë së tranzicionit për mbylljen e misionit të OKB dhe për dëmin që kjo do të sjellë për popullin e Malit”, tha diplomati amerikan Jeffrey DeLaurentis në mbledhjen e Këshillit të Sigurimit.
Top Channel
