Teatri edukativ i kukullave sjell buzëqeshje te fëmijët e kampit në veri të Sirisë (fotot)
23/11 19:25
Dy oficerë policie në Nevada janë goditur për vdekje nga makina e një shoferi me paaftësi mbrëmë në Las Vegas teksa kryenin kontrollin e një makine në një prej autostradëve më të ngarkuara të këtij shteti.
46 vjeçari Jemarcus Williams, akuzohet për vrasjen e dy oficerëve si dhe për arratisje nga vendngjarja.
Policia tha se ai u kap disa orë më vonë në një pallat apartamentesh në Las Vegas.
Rreshteri Michael Abbate dhe Alberto Felix kishin ndaluar për të kontrolluar një shofer që dukej se e kishte zënë gjumi në timon në autostradën Interstate 15 pranë qendrës së Las Vegas rreth orës 3:30 të mëngjesit, kur autori që drejtonte një makinë Chevrolet HHR, i goditi të dy dhe u largua nga vendngjarja.
Policia tha se një prej oficerëve kishte vdekur në autostradë ndërsa tjetri u shpall i vdekur kur mbërriti në spital.
Makina e të dyshuarit u gjet pranë një godine apartamentesh mëngjesin e ardhshëm.
Tashmë Williams përballet me akuza drejtimi të pakujdessshëm, konsum alkooli ose drogash dhe mos-ndalim në skenën e aksidentit.
Në video të trishta të publikuara të autoriteteve shiheshin trupat e dy viktimave që transportoheshin drejt mjekësisë ligjore.
Si rreshteri Abbate dhe Felix kishin dedikuar karrierën e tyre në shërbimin ndaj shtetit të Nevada me përkushtim dhe krenari, thuhej në njoftimin e departamentit të policisë.
Ngjarja e rëndë në Nevada vjen gati tre vjet pasi një tjetër oficer u godit për vdekje teksa punonte në autostradën Interstate 15.
Në 2021, Micah May u vra teksa policia po ndiqte një grabitës të dyshuar përmes Las Vegas dhe zonës fqinje North Las Vegas.
May u godit për vdekje teksa kishte vendosur pajisjen e shpimit të gomës së makinës për të ndaluar mjetin e dyshuar.
Top Channel
