Avioni përplaset me disa kamionë teksa zbriste në pistë, tre të plagosur 17/11 22:57
Kryeministri i Finlandës, Petteri Orpo ka theksuar se vendi do të mbyllë të gjithë kufirin me Rusinë për shkak të shqetësimeve për migrimin.
Lajmi u bë me dije gjatë një konference për shtyp të mbajtur ditën e sotme. Finlanda kishte vetëm një pikë të mbetur kufitare të hapur, pasi qeveria mbylli shtatë të tjera për shkak të rritjes së numrit të emigrantëve nga Lindja e Mesme dhe Afrika.
Finlanda akuzon Moskën se i ka çuar emigrantët drejt kufirit finlandez. Instituti për Studimin e Luftës e ka përshkruar më parë sjelljen e Moskës për këtë çështje si një “taktikë hibride të luftës”.
Ministri i Brendshëm i Finlandës thotë se kufiri do të jetë i mbyllur deri më 13 dhjetor. Finlanda iu bashkua NATO-s në fillim të këtij viti, mes shqetësimeve për agresionin rus në Ukrainë, veprim ky i cili zemëroi Kremlinin.
Në foto: Vija kufitare Finlandë – Rusi. Harta tregon Raja Jooseppin, pikën e fundit kufitare që mbyllet
Top Channel
