Si do të funksionojë Departamenti i ri i Efikasitetit të Qeverisë? Do të drejtohet nga Elon Musk dhe ish-kandidati republikan për president 19/11 21:18
Me një sipërfaqe prej 4,000 km katrore dhe 400 metra trashësi, ajsbergu më i madh në botë i cilësuar si një ishull i vërtetë akulli, është në lëvizje pas më shumë se 30 vitesh ngecjeje në fundin e oqeanit.
Një zhvillim që tërhoqi menjëherë vëmendjen e shkencëtareve. Ajsbergu i pagëzuar me emrin A23a, u nda nga vija bregdetare e Antarktidës në vitin 1986 por ndaloi më pas në Detin Weddell. Trupi i akullt është praktikisht dy herë më i madh se e gjithë Londra dhe zonat periferike të saj. Kolosi i natyrës është zhvendosur me një shpejtësi të madhe gjatë muajve të fundit, i nxitur nga erërat dhe rrymat, dhe tani po kalon majën veriore të Gadishullit Antarktik. Shkencëtarët po e ndjekin nga afër lëvizjen e tij.
Pyetja e madhe e tyre është: përse kjo lëvizje tani pas më shumë se tre dekadash? “Unë fola për këtë me disa kolegë, të cilët i pyeta është nëse kishte ndonjë ndryshim të mundshëm në temperaturën e ujit që mund të kishte provokuar zgjimin e tij. Megjithatë, në fund, ishin të një mendjeje se kishte ardhur koha që kjo të ndodhte”, thotë Dr Andrew Fleming, nga British Antarctic Survey.
A23a ishte i ankoruar të themi kështu që prej 1986, por ishte e pashmangshme që ai të zvogëlohej në madhësi mjaftueshëm sa për të humbur qëndrueshmërinë e të vihej në lëvizje, thotë Fleming, duke shtuar se një lëvizje të parë të pllakës së akullt e kishte diktuar në 2020-tën.
Top Channel
