SHBA, sanksione në Serbi e Mal të Zi/ Penalizohen disa kompani që mbështetën Rusinë në luftën me Ukrainën
31/10 22:59
Zyrtarë të Kremlinit kanë mohuar sot raportimet e mediave perëndimore se presidenti Vladimir Putin ka pësuar atak kardiak në fundjavë.
Zëdhënësi i Putin mohonte sot se presidenti është në shëndet të dobët, dhe refuzonte dhe artikujt e tabloidëve britanikë për përdorim të sozive në paraqitjet e tij publike.
Përfaqësuesi Dmitry Peskov, tha: “Çdo gjë është në rregull me të, këto janë absolutisht të tjera lajme të rreme”.
Në përgjigje të cështjes së sozive, Peskov shtoi: “Kjo i përket kategorisë së informacioneve absurde që disa rrjete mediatike diskutojnë me një këmbëngulje të admirueshme. Nuk është veçse për të qeshur.”
Putin, ish-agjent i KGB dhe entuziast i mundjes xhudo, mundohet të kultivojë një imazh të “mashkullit aktiv” në media. Ai raportohet se mbushi 71 vjeç në fillim të muajit.
Një vizitë e tij kësaj jave në Kinë u bë spekulimi kryesor për sozi nga mediat perëndimore.
Por edhe më herët Putin kishte mohuar zhurmat për përdorim sozish, edhe pse sipas tij, i ishte ofruar mundësia nga stafi.
Ndërsa në maj Putin dukej i ënjtur nga fytyra dhe me lëvizje të pasigurta gjatë një parade në Moskë dhe prej atëherë spekulimet për shëndetin e tij janë shtuar.
Top Channel
