Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Policia në Florida, SHBA, ka arrestuar një djalë 13-vjeçar për vrasjen e nënës së tij 39 vjeç, ndërsa ajo ishte në gjumë me motrën e tij të porsalindur 14-ditëshe.
Derek Rosa, siç quhet 13-vjeçari, akuzohet sipas ligjit për të miturit për vrasjen e nënës së tij Irina Garcia. Krimi tronditës ka ndodhur të enjten e kaluar, kur vetë 13-vjeçari telefonoi policinë duke i thënë: Sapo vrava nënën time!
Oficerët e policisë pasi mbërritën e banesën e familjes, gjetën Gracian e vdekur në dhomën e gjumit, disa centimetra larg krevatit të vajzës së vogël 14-ditëshe, e cila ishte e padëmtuar.
Sipas policisë, 13-vjeçari ka pritur që ta zinte gjumi të ëmën, para se ta godasë disa herë me thikë në qafë. Sipas informacioneve, 13-vjeçari është shprehur i penduar gjatë marrjes në pyetje të policëve.
Sipas New York Post, 13-vjeçari, i cili ishte një nxënës i shkëlqyer në shkollën e tij, atë natë ndodhej në shtëpi me të ëmën dhe motrën e vogël, pasi njerku i tij ndodhej në Gjeorgji.
Derek Rosa nuk ka asnjë histori të kaluar me probleme të shëndetit mendor dhe thuhet se kishte një raport të mirë me njerkun e tij, i cili ishte një shofer kamioni.
I mituri ende nuk ka treguar motivin e vrasjes të së ëmës para autoriteteve.
Top Channel
