Pagesa më të lira në banka! Hyrja e Shqipërisë në SEPA, vitin e parë kursehen 20 milionë euro
23/11 15:07
Çmimet e naftës vijojnë të jenë të larta për konsumatorët shqiptarët. Që nga marsi shtrenjtimi i tyre nuk ka ndalur, ndërsa sinjalet nga tregjet ndërkombëtare sugjerojnë se do të ketë edhe rritje të mëtejshme.
Në vetëm dy javë çmimi për ton i naftës në bursa është rritur me 60 dollarë duke arritur në 990 dollarë. Ky është niveli më i lartë që nga nëntori i vitit të kaluar apo gati 11 muaj.
Edhe në Shqipëri pikat e tregtisë me pakicë po e shesin naftën duke filluar nga 197 deri në 207 lekë për litër, ndërsa benzina është më e lartë me 2-3 lekë. Që nga marsi shtrenjtimi është me 30 lekë.
Këto çmime duken të ndikuar nga vendet prodhuese të naftës, pjesë e organizatës OPEC, të cilat shkurtuan prodhimin e naftës me 1 milion fuçi në ditë gjatë verës. Kjo masë parashikohej të ndalonte në shtator, por Rusia dhe Arabia Saudite njoftuan zgjatjen deri në fund të vitit.
Tashmë edhe Libia, furnizuesi kryesor i Evropës është prekur nga fatkeqësia e përmbytjeve dhe po vijon të hedhë më pak naftë në treg. Analistet edhe ekspertët në një sondazh për prestigjiozen Reuters shprehen se në tremujorin e fundit të vitit produktet energjetike do të kenë dhe rritjen më të fortë.
Shpesh, cilësuar si gjaku i ekonomisë, çmimet e rritura të naftës do të japin goditje të drejtpërdrejtë tek inflacioni, duke rrezikuar synimin e bankës së Shqipërisë që çmimet të stabilizohen mesin e vitit të ardhshëm.
Top Channel
