Atletico Madrid triumfoi në transfertë ndaj Valladolid me shifrat 2-5 duke marrë një trepikësh që e stabilizon skuadrën në vendin e tretë të renditjes me Los Colchoneros që vijojnë të mendojnë edhe për vendin e dytë në LaLiga.
Megjithatë, pavarësisht rezultatit bindës, te Vallodilid kanë mbetur të pakënaqur në lidhje me disa vendime të arbitrit. Madje, kjo ka shkaktuar edhe reagimin e kryebashkiakut të qytetit, Oscar Puente i cili theksoi se sistemi VAR, ekzisiton vetëm për të treguar fuqinë duke qenë se në këtë formë mund t’i vjedhin ndeshjet duke të parë në sy.
“Ky kompeticion ka kohë që është vendosur në dyshime të mëdha. Megjithatë, për mua nuk është se ka shumë dyshime, ato ishin në të kaluarën. Edhe sistemi VAR ekziston për të na thënë se kanë fuqinë për të na vjedhur në sy”, u shpreh Puente.
Top Channel
