Historia e pabesueshme e 93-vjeçarit që ka moshën biologjike të një 30-vjeçari! Richard Morgan tregon sekretin e tij 19/04 09:08
Ky një maj e gjeti Manastirin e Zvërnecit të mbushur me vizitorë, shumë prej të cilëve të huaj.
Turistët u shprehën të mahnitur me bukuritë e kësaj zone.
“Jam nga Holanda dhe kemi tri ditë në Shqipëri, një vend shumë i bukur dhe Manastiri një vend tërheqës, sot kishte shumë njerëz, dhe nuk kishim shumë informacion për këtë vend të veçantë. Mungonte ciceroni”, u shpreh një turiste.
“Jam nga Kroacia. Kemi vizituar Tiranën deri sot dhe sot pikërisht ndodhemi në manastirin e Zvërnecit dhe guida na sugjeroi këtë vend të bukur dhe tërheqës”, tha një tjetër turiste.
“Jam nga Holanda dhe është dita e tretë, vend i bukur, njerëz mikpritës, ushqimi shumë i mirë dhe do të kemi shumë dëshirë të njohim jugun e Shqipërisë”.
Ndërkohë, të shumtë ishin dhe vizitorët vendas që zgjodhën ta kalonin 1 majin në këtë atraksion turistik të Vlorës.
“Vijmë për herë të parë. Na pëlqen ambienti, gjelbërimi. Erdhëm ta vizitojmë meqë jemi pushim“, u shpreh një nga vizitoret.
Manastiri i Zvërnecit në Vlorë vijon të mbetet një nga pikat turistike që çdo ditë e më tepër vizitohet nga pushues vendas dhe të huaj. Ndërtimi i tij, historia, gojëdhënat e bëjnë këtë resurs tërheqës në çdo stinë të vitit.
Top Channel
