Temperaturat në rritje/ Në Vlorë moti për plazh, parashikimi për këtë fundjavë
25/03/2023 08:05
Iu gjetën 162 gramë kokainë gati për shpërndarje në Shëngjin, arrestohet 26 vjeçari (EMRI)
26/04 08:52
Këtë fundjavë, vendi ynë do të ndikohet nga kushte të qëndrueshme atmosferike në të gjithë vendin për shkak të masave ajrore të thata me origjinë veriperëndimore.
Në këtë mënyrë moti parashikohet me alternime vranësirash dhe kthjellime.
Era do të fryjë me drejtim juglindje-jugperëndim dhe shpejtësi 1-6m/sek, përgjatë vijës bregdetare deri në 8m/sek. Valëzimi në dete i forcës nga 1-2 ballë.
Sipas meteorologes Lajda Porja, këtë fundjavë temperaturat mund të shkojnë deri në 25-26 gradë, ndërsa nga data 27-28 fillojnë “plakat” të cilat do të sjellin dhe reshjet e shiut.
“Një diell dhe ideal do të thosha gjatë kësaj fundjave ku priten temperatura, sidomos dita e shtunë me vlera 25-26 gradë, tipike dhe për plazh do të thosha, megjithatë moti do të jetë i kthjellët, vranësirat në zonat malore do jenë kalimtare dhe të pakta. Nuk zhgënjejnë sërish ‘plakat’ duke bërë që fundi i marsit datat 27-28, pra javën tjetër të sjellin reshje, megjithatë reshje do jenë kalimtare.
Parashikohet që edhe deti i qetë pasi dhe era do jetë kryesisht e lehtë dhe me shpejtësi jo më shumë se 28-30 km në orë. E gjithë vija bregdetare me temperatura mbi 20 gradë, mund ta shijojnë sidomos dita e shtunë, ku parashikohet që qarku i Vlorës do të regjistrojë dhe vlerën 25 gradë, temperatura shumë të larta krahasuar me periudhën në të cilën ndodhemi.
E shtuna dhe e diela janë shumë të favorshme përgjatë këtij marsi dhe surprizues do jetë kjo pranverë. Do kemi dimër, do kemi plazh, do kemi gjithë surprizat e mundshme edhe gjatë muajit prill”, parashikon Porja.
Top Channel
