Organizata “Human Rights Watch” akuzon Izraelin për krime lufte dhe spastrim etnik 15/11 07:08
Protestuesit vërshuan në rrugët e kryeqytetit gjeogjian, Tbilisi, e u përleshën me policinë pas dritës jeshile që parlamenti vendas i dha një ligji polemizues, cili thuhet se kufizon lirinë e shtypit dhe shtyp shoqërinë civile.
Forcat e rendit përdorin mbi tubuesit ujin ne presion e gazin lotsjellës, por nuk e patën të lehtë të shpërndajnë turmat. Disa protestues u panë të shtrirë në tokë duke u kollitur, ndërsa të tjerë valëvitnin flamujt e BE-së dhe Gjeorgjisë.
Qeveria doli më pas me deklaratën se disa policë ishin plagosur e shumë pajisje ishin dëmtuar. Ligji në fjalë ka tërhequr dhe Kritika ndërkombëtare, pasi ai dikton që organizatat joqeveritare (OJQ) dhe mediat e pavarura të cilat e marrin më shumë se 20% të financimit të tyre nga jashtë, të deklarohen si agjentë të huaj.
Zëdhënësi i Departamentit të Shtetit të SHBA Ned Price tha se projektligji do të ishte një pengesë e madhe dhe “do të godiste disa nga të drejtat që janë thelbësore dhe aspiratat e popullit të Gjeorgjisë”. Kryediplomati i BE-së, Josep Borell gjithashtu e cilësoi legjislacionin si një “zhvillim shumë të keq” për këtë shtet kaukazian.
Opozita e përshkroi këtë si një ligj të stilit rus që stigmatizon dhe I vendos lakun në fyt shoqërisë civile dhe medias në Gjeorgjisë. Sipas saj, protestat do të vazhdojnë.
Top Channel
