“Kush vjedh, do t’i vrasim gjithë familjen”, mesazhet tronditëse në dyqanin italian, denoncohet pronari 27/10 22:00
Skema e ngjyrave
Madhësia e shkrimit
Partia e kryeministrit Benjamin Netanyahu del si forca kryesore në zgjedhjet për Knessetin e 26-të në Izrael, por rezultatet paraprake të sondazheve të daljes nuk tregojnë një rrugë të qartë për formimin e qeverisë nga asnjëri prej dy kampeve kryesore politike.
Sipas sondazhit të publikuar nga Channel 12, blloku i opozitës, i përbërë nga partitë hebraike, pritet të sigurojë gjithsej 52 vende në parlament, ndërsa koalicioni i partive që mbështesin Netanyahun parashikohet të fitojë 50 vende.
Asnjëri prej këtyre dy blloqeve nuk arrin shumicën parlamentare, duke e lënë të hapur mundësinë e negociatave të vështira për krijimin e qeverisë së ardhshme.
Një nga zhvillimet më të rëndësishme të këtyre zgjedhjeve është rezultati i partive arabe, të cilat, sipas të njëjtit sondazh, pritet të sigurojnë 18 vende në Knesset, duke shënuar një rekord historik në përfaqësimin e tyre parlamentar.
Partitë arabe janë gjithashtu të pozicionuara kundër Netanyahut, çka mund t’i japë peshë shtesë konfigurimit të ardhshëm politik, megjithëse formimi i një shumice qeverisëse do të varet nga negociatat dhe marrëveshjet mes forcave politike.
Rezultatet e sondazheve të daljes nuk janë përfundimtare dhe mund të ndryshojnë nga rezultatet zyrtare. Në këtë fazë, gara mbetet e hapur për sa i përket formimit të qeverisë, ndërsa ndarja e mandateve do të jetë vendimtare për përcaktimin e shumicës parlamentare në Izrael.
Top Channel
