“Portreti i Elvirës” i Modigliani shitet në ankand për një çmim rekord 24/10 21:20
Në pamjet emocionuese shihen disa studentë të guximshëm varen mbi nje kanal dhe ndihmojnë të shpëtojnë një qen që kishte rënë në ujin e thellë urban në Britani.
Jack Spencer Furmston e Ben Camphor, të dy 20 vjeçarë, ishin duke u kthyer nga shkolla në Manchester kur panë të zotin e qenit Batu Akyol që mbante nga lart litarin e qenit të rënë në kanal.
Dy studentët sapo panë situatën në kanalin qytetas Ancoats nisën tentativën e tyre të shpëtimit dhe më pas u ndihmuan edhe nga të tjerë.
Pamjet tregojnë grupin e njerëzve që mbajnë Camphor nga këmbët, teksa ai varet për të kapur kafshën e rënë në ujë.
Qeni shihet që përpiqet të kapet në muret e kanalit teksa pronari e mban nga litari.
Qeni përpiqet të ngjitet teksa Camphor arrin ta kapë nga poshtë këmbëve të përparme duke e tërhequr lart.
Djali shpëtimtar tha më pas: “Të gjithë i kishte zënën paniku. Nuk mund ta linim pa e ndihmuar qenin. Unë kam qen vetë dhe nuk do ta lija kurrë”.
Camphor tha se i zoti i qenit ishte shumë i emocionuar për shpëtimin dhe të gjithë shëtitën rreth kanalit pas shpëtimit.
Pamjet në rrjet u shpërndanë nga kalimtari Dabhidh MhicEamailinn dhe video është shikuar 36,500 herë ku shumë vlerësojnë përpjekjen e të rinjve.
Top Channel
