Live/ Dita e 23-të e protestës në kryeqytet, tubuesit kalojnë pranë ‘Fan Zone’, thirrje qytetarëve: Ne po bëjmë revolucion, s’ka Botëror që na ndalon 22/06 19:25
Skema e ngjyrave
Madhësia e shkrimit
Vetëm pak muaj pas finalizimit të divorcit, Nicole Kidman dhe Keith Urban kanë tërhequr vëmendjen me urimet publike që i kanë dedikuar njëri-tjetrit në rrjetet sociale.
Me rastin e ditëlindjes së 59-të të aktores, Keith Urban publikoi në Instagram një mesazh të shkurtër, por domethënës. Këngëtari 58-vjeçar e uroi ish-bashkëshorten e tij me fjalët: “Gëzuar ditëlindjen, Nicole Mary”, duke përdorur emrin e saj të mesëm.
Ky konsiderohet gjesti i parë publik i Urban ndaj Kidman që pas përfundimit të procedurave të divorcit në janar të këtij viti. Çifti kishte qenë i ndarë që prej shtatorit 2025, ndërsa divorci u finalizua në gjykatën e Nashville pas afro dy dekadash martesë.
Nga ana e saj, Nicole Kidman kishte bërë më herët një dedikim publik për Keith Urban me rastin e Ditës së Babait. Aktorja publikoi në Instagram një foto ku këngëtari shfaqej me dy vajzat e tyre, Sunday Rose, 17 vjeç, dhe Faith Margaret, 15 vjeç.
Në postimin e saj, Kidman shkroi: “Gëzuar Ditën e Babait të gjithë baballarëve”, duke përfshirë edhe një fotografi të babait të saj të ndjerë.
Shkëmbimi i këtyre mesazheve ka ngjallur reagime të shumta mes fansave të çiftit, të cilët e kanë vlerësuar mënyrën miqësore me të cilën dy artistët po menaxhojnë marrëdhënien e tyre pas ndarjes.
Nicole Kidman dhe Keith Urban u konsideruan për vite me radhë si një nga çiftet më të njohura të showbiz-it ndërkombëtar. Pavarësisht përfundimit të martesës së tyre, urimet e fundit publike tregojnë se ata vazhdojnë të ruajnë një raport korrekt dhe respekt të ndërsjellë, veçanërisht për hir të familjes së tyre.
Top Channel
