Video/ E rëndë! Vritet jashtë shtëpisë së saj influencuesja e TikTok, në videot e saj… 27/04 22:17
Adele “luftoi” me lotët në koncertin e saj në Las Vegas pasi një fans i tregoi asaj një fotografi të gruas së tij të ndjerë.
Këngëtarja 34-vjeçare u pushtua nga emocionet teksa kaloi nëpër audiencë dhe vuri re burrin që mbante telefonin e tij mbi turmë, ndërsa i prekte zemrën.
Pasi pa foton, Adele u përpoq të mbante lotët dhe i dedikoi atij këngën e saj “Someone Like You”. Në një video të TikTok nga ngjarja, Adele mund të dëgjohet duke thënë: “Kjo është për ju zotëri që po më tregon gruan e tij në telefonin e tij.”
“Kur eci nëpër turmë, do të doja që të mund të shihnit atë që unë mund të shoh. E di që flas me disa njerëz çdo natë, por më pas shoh histori të vogla të njerëzve që ndodhin. Ishte një burrë, ai është vetëm atje, a mund ta shihni atë duke mbajtur telefonin lart? Mendoj se është gruaja e tij në telefonin e tij dhe nuk mendoj se ajo është këtu dhe thjesht më emocionoi vërtet. Duket sikur je këtu vetëm dhe mua më vjen shumë keq për humbjen tënde dhe nuk e kuptova se çfarë po më tregoje derisa isha këtu”, tha ajo.
Fansat ishin gjithashtu të pushtuar nga emocionet, me një person që shkruante: “Duke qarë! Ai dukej aq i kënaqur edhe nëse Adele nuk e vinte re, sikur ishte i lumtur duke ditur që gruaja e tij do të kishte dashur vetëm të shihte atë që ai po shihte.”
Një tjetër komentoi: “Zemra e Adele është e vërtetë. Ajo është një person i bukur. Shpirti i Adele është kaq i pastër. Çfarë njeriu i mrekullueshëm, është ajo.”
Adele gjithashtu u përlot në fillim të këtij muaji kur një grua organizoi një festë divorci në një nga shfaqjet e saj, me këngëtaren që foli për dhimbjen e saj. Adele i tha audiencës se ajo di gjithçka për zemrat e thyera. Ajo vazhdoi duke thënë se marrëdhëniet që prishen, pavarësisht nëse je i martuar apo jo, janë vërtet të vështira dhe traumatike”.
Top Channel
