Zbulohen detajet tronditëse rreth vdekjes së Liam Payne/ Këngëtari u hodh vetë nga ballkoni i hotelit, po përpiqej të arratisej nga… 25/11 16:24
Ish-astronauti amerikan Buzz Aldrin është martuar për herë të katërt në ditëlindjen e tij të 93-të.
Aldrin pilotoi fluturimin legjendar Apollo 11 në hapësirë në vitin 1969, duke u bërë një nga dy njerëzit e parë që eci në Hënë pas Neil Armstrong.
Ish-piloti tha se ai dhe gruaja e re Anca Faur ishin të emocionuar si adoleshentë.
Ai është një nga vetëm tre njerëzit që janë ende gjallë të cilët kanë ecur në Hënë.
Fotografitë nga ceremonia e tyre në Los Anxhelos u shpërndanë nga Aldrin në Twitter.
“Në ditëlindjen time të 93-të dhe ditën që do të nderohem nga Living Legends of Aviation, kam kënaqësinë të njoftoj se dashuria ime prej kohësh, Dr Anca Faur dhe unë kemi lidhur martesën”, shkroi ai në Twitter.
Në vitin 1969, rreth 600 milionë njerëz dëshmuan se Neil Armstrong dhe Buzz Aldrin u bënë njerëzit e parë që ecën në Hënë si pjesë e misionit Apollo 11. Ishte audienca më e madhe televizive në histori në atë kohë.
Pothuajse brenda natës, Aldrin u bë një nga emrat më të famshëm në planet.
“Nuk e kisha menduar aq shumë për atë që do të vinte më pas”, tha Aldrin për Los Angeles Times në 2001. “Nuk isha aq i përgatitur apo i rehatshëm për t’u futur në sy të publikut.”
Përpara uljes së famshme në Hënë, zoti Aldrin pilotoi aeroplanë luftarakë në misionet luftarake të Forcave Ajrore të SHBA gjatë luftës së Koresë.
FOTO GALERI
6/8
DC, UNITED STATES: This 20 July 1969 file photo released by NASA shows astronaut Edwin E. "Buzz" Aldrin, Jr. saluting the US flag on the surface of the Moon during the Apollo 11 lunar mission. The 20th July 1999 marks the 30th anniversary of the Apollo 11 mission and man's first walk on the Moon. AFP PHOTO NASA (Photo credit should read NASA/AFP/Getty Images)
Top Channel
