“Ikën shpirti, zemra, gjithçka”/ Trauma e Neritan Liçajt: Babai nuk jeton më, por ja si flas çdo mëngjes me të… 05/05 09:57
Disa makina luksoze janë sekuestruar nga prona e influencuesit britaniko-amerikan Andrew Tate në Bukuresht.
Tate u arrestua së bashku me vëllain e tij Tristan muajin e kaluar si pjesë e një hetimi mbi akuzat për trafikim njerëzor dhe përdhunim, të cilat ata i mohojnë.
Makinat, duke përfshirë një Rolls-Royce, BMW dhe Mercedes-Benz u hoqën nga prona të shtunën, raportoi Reuters.
Të martën, Tate humbi mundësinë për t’i dhënë fund paraburgimit të tij në Rumani pasi gjykata refuzoi apelin e tij dhe tha se ai duhet të qëndronte në paraburgim.
Tate u pa duke mbajtur një kopje të Kuranit teksa hynte në Gjykatën e Apelit të Bukureshtit i lidhur me pranga.
Pas arrestimeve më 29 dhjetor, policia tha se kishte identifikuar gjashtë persona të cilët dyshohet se ishin “shfrytëzuar seksualisht”. Policia pretendoi se viktimat ishin “rekrutuar” nga qytetarët britanikë.
Ata më vonë u detyruan të performonin në përmbajtje pornografike nën kërcënimin e dhunës, thuhet në një deklaratë.
I lindur në SHBA përpara se të transferohej në MB, Tate vazhdoi të kishte një karrierë të suksesshme si kikboksier. Në vitin 2016, ai u hoq nga emisioni televiziv britanik Big Brother për shkak të një videoje që dukej se e tregonte atë duke sulmuar një grua. Ai vazhdoi të fitonte famë globale, me Twitter që e ndaloi atë për të thënë se gratë duhet të “mbajnë përgjegjësi” për sulmet seksuale.
Top Channel
