Skema e ‘mashtrimit’ me kreditë/ Prokuroria e Tiranës i kërkon SPAK-ut të hetojë guvernatorin Sejko, reagon Banka e Shqipërisë: Gati të japim sqarimet e duhura 03/05 23:26
Derbi i 167-të në historinë e kryeqytetasve, sfida në “Air Albania” në orën 20:00.
Mbrëmjen e sotme do të luhet dhe ndeshja e fundit e këtij viti kalendarik mes Tiranës dhe Partizanit. Një nga përballjet më të mëdha në historinë e futbollit tone, këto dy skuadra të kryeqytetit numërojnë 167 ndeshje mes njëra-tjetrës.
Pas një periudhe të zezë për Tiranën dhe të shkëlqyer për Partizanin të cilët e dominuan derbin e kryeqytetit për më tepër se 4 vite, që nga koha kur në stolin e bardhebluve është Orges Shehi, tendenca ka ndryshuar.
Në 7 përballjet e fundit ka qenë Tirana ajo që ka fituar 4 dhe ka barazuar dy, duke humbur vetëm një ndeshje.
Kjo e mbrëmjes s sotme në stadiumin Air Albania do të jetë edhe një ndeshje direkte për kreun e klasifikimit që aktualisht mbahet nga Partizani me një pike më tepër, ndërkohë që bardheblutë e humbën atë pas disfatës që i shkaktoi Teuta javën e shkuar.
Megjithatë bëhet fjalë vetëm për javën e 15-të dhe ka ende shumë kampionat për t’u luajtur, por gjithsesi përballja Tirana-Partizani ka një shije tjetër dhe këtë efekt derbit ja japin edhe tifozeritë e të dyja skuadrave të cilët përpiqet të ftojnë gjithmonë sfidën e tyre pavarësisht rezultatit në fushë.
Ndeshja Tirana Partizanit o të luhet mbrëmjen e sotme në orën 20:00 në stadiumin “Air Albania”.
Top Channel
