Të gjithë për një kauzë! 2500 vullnetarë pozojnë nudo në plazhin Bondi të Australisë
27/11/2022 16:59
Shkencëtarët thonë se kanë zbuluar ‘vendbanimin e parë’ të gjithë racës njerëzore (fotot)
25/04 18:19
Rreth 2,500 njerëz u zhveshën për një sesion fotografik në plazhin Bondi të Australisë të shtunën, i projektuar për të rritur ndërgjegjësimin për kancerin e lëkurës.
Turma u mblodh për të marrë pjesë në projektin më të fundit të artistit fotografik amerikan Spencer Tunick, i cili njihet për sesionet e zhveshura të fotografive në monumente të rëndësishme anembanë botës.
“Ne kemi një mundësi për të rritur ndërgjegjësimin për kontrollet e lëkurës dhe unë jam i nderuar… që vij këtu, bëj artin tim dhe thjesht festoj për trupin dhe mbrojtjen,” tha Tunick në plazhin e Sidneit, sipas Reuters.
“Më duhet të rrëfej se po mendoja, ‘Çfarë po bëj?’, por ishte e mrekullueshme, të gjithë ishin në një atmosferë vërtet të mirë, të gjithë ishin vërtet të respektueshëm”, tha një pjesëmarrëse.
Tunick është në partneritet me Skin Check Champions, një shoqatë bamirëse që drejton klinika arsimore falas për kontrollin e lëkurës. Nisma përkoi me Javën Kombëtare të Veprimit për Kancerin e Lëkurës të Australisë, kur Scott Maggs, themeluesi i bamirësisë, u bëri thirrje të gjithëve në vend që të bëjnë një kontroll mjekësor.
Top Channel
