FOTO/ Deklaroi se ka video duke kryer marrëdhënie seksuale me Ronaldon, ylli latin i pornos çmend rrjetin me postimet e fundit
28/11 16:58
Pulëbardhat shihej që ushqeheshin me kufomën e një peshkaqeni të bardhë rreth 4 metra të gjatë që në mënyrë misterioze kishte dalë i ngordhur në breg, në një plazh në Kanada.
Peshkaqeni i zbulua nga një fotograf vendas dy ditë më parë dhe ka habitur studiuesit pasi është vetëm peshkaqeni i tretë në një shekull që del i ngordhur në breg ne New Brunswick, në arqipelagët lindorë të Kanadasë.
Warren Joyce, i cili drejtoi autopsinë e kafshës tha: “Është shumë e rrallë që një peshkaqen të dalë në breg kështu. Kjo është një kafshë e madhe dhe megjithë gjakun e dukshëm në gojë nuk ka plagë të tjera”.
Organizata e bamirësisë së botës detare ORS Shark Science tha se kafsha tregonte vetëm gërvishtje në trupin e tij “që janë tipike për peshkaqenët e bardhë”.
Joyce tha se përveç pulëbardhave edhe të tjerë ishin afruar te kufoma.
“Dikush iu afrua dhe i mori një dhëmb apo diçka të tillë”, tha ai për mediat, duke shtuar se veprime të tilla mund të sjellin gjoba të rënda ose dhe burgim.
Të dhënat tregonin e mashkulli i rritur kishte qenë i shëndetshëm para se të vdiste, megjithë disa gërvishtje në lëkurë.
Joyce shton: “Ai kishte ngrënë një formë gjitari të vogël detar ndoshta një delfin gjiri. Kishte copa të mëdha ushqimi në stomak”.
“Vdekja e tij mund të ketë ardhur nga një aksident, ndoshta duke u afruar për të ngrënë foka, mund të ketë ngecur në cekësirë e të jetë mbytur”.
Top Channel
