![](https://top-channel.tv/wp-content/uploads/2024/09/0-2024-09-07T195539.241-800x450.jpg)
Banka Qendrore Evropiane ka njoftuar një rritje rekord të normave të interesit në eurozonë, ndërsa synon të luftojë inflacionin. Çmimet në kontinet po rriten me ritmin më të lartë në 50 vite të shtyra nga kostot e larta të energjisë.
BQE ngriti të gjitha normat e saj kryesore me 0.75% dhe paralajmëroi se ka të ngjarë të rrisë përsëri normat më vonë gjatë këtij viti. Banka rriti normat e interesit në korrik, e para në më shumë se 11 vjet.
“Presionet e çmimeve kanë vazhduar të forcohen dhe zgjerohen në të gjithë ekonominë”, tha BQE pas vendimit të saj të fundit.
Bankat qendrore rrisin normat e interesit për të rritur koston e huamarrjes, gjë që duhet t’i bëjë njerëzit të marrin hua dhe të shpenzojnë më pak dhe të kursejnë më shumë. Në teori, kjo ndihmon në frenimin e rritjes së çmimeve. Inflacioni në mbarë botën po nxitet nga çmimet më të larta të energjisë. Çmimet po rriteshin më shpejt ndërsa ekonomitë u rikuperuan nga efektet e pandemisë së koronavirusit, por ato u ngritën më tej për shkak të luftës së Rusisë në Ukrainë.
Ajo shtoi se nëse çmimet e gazit vazhdojnë të “rriten në qiell”, kjo do të sillte “recesion” në Europë:
“Nëse Rusia do të shkurtonte plotësisht furnizimet me gaz në BE, atëherë një skenar që BQE parashikon është racionimi i gazit në të gjithë zonën e euros dhe një recesion në vitin 2023”, tha zonja Lagarde.
Top Channel