Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani
24/11 20:58
Demokratët kaluan nga fjalët ne vepra dhe kërkuan në Kushtetuese anulimin e bordit për vendosjen e çmimit të karburanteve.
Në padinë e depozituar në gjykatë, deputet që mbështesin linjën e Alibeajt, renditën argumentet se përse bordi i ngritur nga qeveria duhet te shfuqizohet.
“Me miratimin e këtyre dy ligjeve Qeveria në vend që të bënte atë që ka bërë çdo Qeveri në botë, të mbronte interesin e qytetarëve, të drejtat e konsumatorëve, në fakt zyrtarizoi Klubin e Oligarëve dhe i dha liri të plotë që me marrëveshje me njëri tjetrin të caktojnë çmimin e naftës, gazit dhe benzinës. Cdo qytetarë ka parë sesi tallet vazhdimisht Klubi i Oligarkëve, që sa herë qytetarët reagojnë e ul çmimin me 2 lekë, dhe të nesërmen e rrit me 12 lekë”, tha Dhurata Çupi.
Qeveria përmes akteve normative në mesin e muajit mars ngriti bordet e transparencës si për karburantet ashtu edhe për produktet ushqimore për zbutur krizën e çmimeve si pasojë e luftës në Ukrainë, por demokratët pretendojnë të kundërtën.
“Ndjesë qytetarëve që nuk e kemi bërë padinë më shpejt. Qeveria zhvat qytetarët. Në muajin gusht nuk pati asnjëherë ulje të çmimeve. Këta luajnë dhe tallen me qytetarët shqiptarë. Kosova më shumë para se Shqipëria për qytetarët”, u shpreh Dashnor Sula.
Kjo është padia e parë për këtë sesion të ri politik në Gjykatën Kushtetuese e demokratëve që u mbështet nga 29 firma deputetesh që mbështesin linjën Alibeaj. Edhe pse grupimi i Berishës ka denoncuar publikisht bordet e Transparencës, asnjë deputetet nuk hodhi firmën mbi padi.
Top Channel
