Ballkani “sy e veshë” nga finalja e titullit në Tiranë, fituesi përcakton vazon në Champions 26/05 11:37
Gjatë ditës së enjte u hodh shorti i grupeve të Champions League, me 32 skuadrat që u njohën me kundërshtarët e tyre.
Bayern Munich ra në grupin C së bashku me Barcelonën, Interin dhe Plzen. Përveç faktit që konsiderohet si grupi i “ferrit” , ajo që bën më shumë përshtypje është fakti që Lewandowski do të ndeshet me “të shkuarën” e tij.
Megjithatë vlen të theksohet se në momentin që u pa se Barcelona do jetë në të njëjtin grup me Bayernin, CEO i kampionëve të Gjermanisë, Oliver Kahn, bëri një të qeshurën tallëse, si për të ulur kundërshtarët dhe ky moment është bërë shumë viral në rrjetet sociale.
Ndoshta kjo e qeshur e Kahn lidhet me faktin që ishte Bayern skuadra që e dërgoi Barçën në Europa League sezonin e shkuar, pas fitores me rezultatin 3-0, teksa dy vite më parë bavarezët poshtëruan katalanasit me rezultatin 8-2.
Top Channel
