Asgjësohet rrjeti i trafikimit të emigrantëve Shqipëri-Greqi, 10 të arrestuar, mbi 500 emigrantë të trafikuar dhe 750 mijë euro fitime të paligjshme 06/11 09:37
Skema e ngjyrave
Madhësia e shkrimit
Juventusi ka siguruar një fitore të rëndësishme ndaj AZ Alkmaar, duke hedhur një hap vendimtar drejt kualifikimit për fazën e 1/8-ave të Europa League.
Megjithatë, suksesi i bardhezinjve u shoqërua me tension në minutat e fundit, ku protagonist u bë trajneri Luciano Spalletti, i cili shpërtheu ndaj mbrojtësit Juan Cabal.
Skuadra italiane arriti të triumfonte falë golave të Teun Koopmeiners dhe Randal Kolo Muani, duke i dhënë fund edhe serisë prej 17 ndeshjesh pa humbje në shtëpi të ekipit holandez në kompeticionet evropiane.
Juventusi e kishte nën kontroll takimin dhe po administronte avantazhin me dy gola, por gabimet në prapavijë rrezikuan t’i komplikonin gjërat në fund. Një humbje topi nga Lloyd Kelly në gjysmën e fushës së Juventusit i dha mundësinë AZ Alkmaar të shënonte golin e parë, ndërsa pak më vonë vendasit pretenduan barazimin, por goli u anulua për pozicion jashtë loje.
Në këtë moment, kamerat filmuan reagimin e ashpër të Spallettit ndaj Juan Cabal. Trajneri italian iu afrua mbrojtësit kolumbian dhe, sipas leximit të buzëve të publikuar nga mediat, i drejtoi një paralajmërim të fortë: “Do të të godas me grusht, e kupton? E kupton?”
Spalletti was furious with Cabal due to his positioning and letting the attackers get behind him
“I’ll punch you if you do that again” (@Gazzetta_it ) https://t.co/mNCbw7DyKj
— 🎥 The AJC 🏳️🏴 (@The_AJC_) November 5, 2026
Shpërthimi i trajnerit erdhi pas pakënaqësisë për pozicionimin dhe mungesën e përqendrimit të mbrojtësit në një moment delikat të ndeshjes. Cabal dëgjoi qortimet e trajnerit përpara se të rikthehej në pozicionin e tij.
Pas ndeshjes, trajneri i Juventusit nuk u ndal te kritikat ndaj një lojtari të veçantë, por foli për problemet e përqendrimit dhe vendimmarrjes që, sipas tij, vazhdojnë të shfaqen te skuadra.
“Jam i bindur kur shoh se lojtarët kanë qëndrimin e duhur. Ajo që më shqetëson është kur pëson një gol dhe më pas fillon të mendosh: ‘Pse nuk erdhi tjetri?’, ose ‘Unë e mora këtë, por çfarë është e imja dhe çfarë është e jotja?’”, u shpreh Spalletti.
Ai theksoi se lojtarët duhet të lëvizin dhe të krijojnë hapësira për njëri-tjetrin, në vend që të presin pasivisht zhvillimin e aksioneve.
“Vendimet që nuk merren janë më të këqija se vendimet e gabuara. Nëse merr një vendim të keq dhe bën diçka gabim, kushton më pak sesa kur nuk merr fare një vendim. Ai që nuk merret është më i keqi nga të gjitha vendimet”, përfundoi trajneri i Juventusit.
Top Channel
