FOTOT/ U bë virale pas një ndeshjeje në Greqi, kush është bukuroshja shqiptare që “çmendi” rrjetin! Flet për mediat vendase: Kur shkova në shtëpi…
15/11 11:46
Një burrë nga Oklahoma në SHBA ka vrarë shokun e tij në fundjavë pasi besonte se viktima kishte “thirrur” gorrilën e përbindshme amerikane Bigfoot që ta vriste teksa peshkonin, ishte shpjegimi publik i hetuesve të Oklahoma për çështjen.
Ndërkohë 53 vjeçari Larry Doil Sanders, u arrestua dhe akuzua për vrasje të gradës së parë.
I akuzuari kishte shkuar për peshkim në burimet e lumit ‘South Canadian’ me shokun e tij, Jimmy Knighten.
Por një konfrontim kishte ndodhur mes të dyve dhe Sanders u tha autoriteteve se kishte goditur Knighten në kokë dhe e kishte mbytur. Trupi i viktimës u gjet një ditë më vonë në lumë, tha zyra e hetimit të shtetit të Oklahoma.
Agjenti special i caktuar për çështjen tha se Sanders i kishte treguar se kishte zbuluar se Knighten “kishte si qëllim ta përdorte si ushqim për gorrilën mitologjike Bigfoot,” sipas një dokumenti të publikuar nga e përditshmja ‘The Oklahoman’.
“LARRY tha se besonte se JIMMY po përpiqej të largohej prej tij në mënyrë që gorrilla Bigfoot të hante LARRY-n,” shkruante agjenti në raport.
Raporti i çuditshëm vazhdonte më tej: “LARRY nuk e linte JIMMY që të largohej. LARRY goditi JIMMY me gisht, dhe më pas me shkop. LARRY e JIMMY u përleshën për një kohë të gjatë në terren.”
Sanders mbetet në burgun e Pontotac, teksa hetimet vazhdojnë.
Top Channel
