Copa qeramike kanë mbushur fushat e një qyteti antik në Shqipërinë juglindore, shkruan AFP, ku grabitësit kanë bastisur malësitë e zonës në kërkim të antikave për t’ua shitur trafikantëve ndërkombëtarë. 

Gjuetarët e paligjshëm të thesareve operojnë pothuajse pa u ndëshkuar në vend, duke shkaktuar zemërim midis arkeologëve mbi vjedhjen e trashëgimisë kombëtare të çmuar.

“Gërmimet e paligjshme janë tashmë një problem serioz në të gjithë rajonin tonë të Korçës. punimet e fundit, gjetëm gjurmë gërmimesh të paligjshme pothuajse në të gjitha vendet arkeologjike dhe në fortifikimet që rrethojnë fushën e Korçë. Problemi është veçanërisht shqetësues në Hijën e Korbit, një vend i rëndësishëm arkeologjik ku zbulimi në vitet 1980 i një thesari monedhash tërhoqi vëmendjen e gërmuesve të paligjshëm”, tha Rovena Kurti,  Instituti Arkeologjik i Shqipërisë

“Këtu vijnë njerëz pothuajse nga të gjitha krahinat, madje edhe nga Tirana, nga Korça. Gërmojnë dhe kërkojnë me shpresën se do të gjejnë ar, argjend ose materiale të tjera të vlefshme”, u shpreh Axhem Lagastllari, banor i zonës.

“Shkatërrimi i parë i dhunshëm ndodhi në vitet 2000 dhe po përsëritet rregullisht. Herën e fundit ne panë prova të gërmimit disa muaj më parë dhe përsëri dy ditë më parë, grabitësit grabitën një varr tjetër, pranë atyre që kishin hapur katër vjet më parë”, tha Skënder Muçaj, Arkeolog.

Qeveria thotë se po punon për masat për të mbrojtur dhe ruajtur vendet ku grabitësit veprojnë por deri më tani ka pak dobi edhe pse heqja e objekteve arkeologjike është një krim, si në shumicën e vendeve.

Top Channel