Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Një sondazh i 1,000 votuesve të regjistruar në SHBA zbuloi sot se shumica e amerikanëve pranojnë se qeveria e tyre është e korruptuar dhe e manipuluar, shkruan britanikja The Guardian.
Ndërsa më shumë se një e katërta e rezidentëve ndjeheshin aq të përjashtuar nga qeveria sa që ndjenin se “shpejt mund të jetë e nevojshme të marrin armët” kundër saj, thuhet në sondazhin e publikuar.
Anketimi u krye nga Instituti i Politikës në ‘University of Chicago’ dhe sugjeron një polarizim të thellë në politikën e SHBA dhe pasojat e saj shiheshin në marrëdhëniet e qytetarëve me njëri-tjetrin.
Statistikat vijnë në kohën kur Kongresi është duke mbajtur një seancë dëgjimore për kryengritjen e 6 janarit.
Sulmi me disa të vdekur erdhi nga besimi i mbështetësve të ish-presidentit Donald Trump se Joe Biden nuk i fitoi zgjedhjet presidenciale në 2020.
Megjithëse kryengritësit e dhunshëm shënjestruan si demokratë dhe republikanë, mbështetësit e Trump insistonin se komiteti i hetimit të ngjarjes është i jashtëligjshëm.
Sondazhi tregon se dyshimi ndaj qeverisë shtrihet kryesisht në linja partiake.
56% e pjesëmarrësve thonin se “përgjithësisht besonin se zgjedhjet janë të drejta e të sakta. Rreth 80% e demokratëve kanë besim te zgjedhjet, ndërsa shifra nis të bjerë në 51% mes votuesve të pavarur dhe më tej në 33% për republikanët.
49% e amerikanëve ishin dakord se “gjithnjë e më shumë ndjehen të huaj në vendin e tyre”. Por dhe ky numër ndahej përsëri në linja politike: Ndjesia ishte e fortë të 69% e republikanëve ose atyre që e përshkruanin veten “shumë konservatorë”, dhe vetëm 38% mes demokratëve.
Nga 28% e votuesve që thonin se nëse është e nevojshme “marrin armët kundër qeverisë”, vetëm 37% kishin armë në shtëpitë e tyre, sipas të dhënave të mëtejshme.
Një e treta e republikanëve dhe 45% e “republikanëve të fortë” ishin të mendimit për të luftuar qeverinë.
73% e të deklaruarve si votues republikanë besonin se “demokratët janë arrogantë që imponojnë besimet e tyre politike te ata që nuk janë dakord.
“Megjithse është dokumentuar prej vitesh polarizimi partisan në venin tonë, sondazhi tregon se ka ndarje të thella,” tha organizatori Neil Newhouse.
Top Channel
