“A do të martohesh me mua?”, deklarata që dhuroi lot dhe emocione të forta për Sara Gjordenin 19/04 22:51
Banorët e një fshati peshkatarësh janë shokuar nga një peshkaqen ‘monster’ i species “gojë-madh” që kishte dalë i vdekur në bregun e fshatit në Filipine, vdekja e të cilit ka vënë zyrtarët në urgjencë për gjetjen e përgjigjeve.
Peshkaqeni i ujërave të thellë u fotografua i ngordhur në ujëra të cekëta në zonën Gubat, në ishullin verilindor të Sorogon më 11 qershor.
Zëdhënësja e burimeve ujore Nonie tha se shkaku i vdekjes mund të ishte ngecja në një rrjetë peshkimi, raportonte rrjeti Rappler.
“Ne duam të verifikojmë shkakun e vdekjes së peshkaqenit gojë-madh, më pas ne duam ta ruajmë kufomën me anë të solucioneve prezervuese”, tha ajo.
Në imazhe të postuara në rrjetet sociale shiheshin rezidentët që rrethonin krijesën gjigante dhe disa prej tyre e preknin në kokë.
Kjo specie peshkaqeni jeton në thellësi rreth 3000 metra dhe kalon shumicën e kohës në errësirë.
Peshkaqeni gojëmadh ushqehet pak a shumë si balena me anë të filtrimit të ujit për planktone.
Ata mund të peshojnë deri në 1 ton dhe arrijnë në 6 metra gjatësi.
Kafsha është zbuluar për herë të parë në ujërat e Haiti në vitin 1976.
Top Channel
