Nëna obeze humbet 40 kg dhe kthehet në instruktore stërvitjeje (fotot)

20/06/2022 17:10

Vikki McNamara zbuloi dashurinë e saj për stërvitjen dhe ka nisur një karrierë të re si instruktore fizkulture pasi humbi më shumë se 40 kg nga trupi i saj.

Nëna obeze e një fëmije në Dublin në Irlandë thotë se humbi peshën e saj me ushtrime të ndryshme stërvitjeje madje dhe kërcim në tub, sipas rrjetit britanik The Mirror.

Vikki thotë se vuante prej vitesh me peshën e saj dhe fillimisht e kishte të vështirë të binte në peshë.

Por më në fund ajo gjeti guximin që i solli suksesin e dobësimit dhe ka lënë punën e mëparshme për t’u bërë instruktore personale stërvitjeje.

Ajo thotë për rrjetin vendas RSVP Live se më parë ndjehej si një grua e plakur dhe kishte dhimbje në trup, prandaj vendosi të bënte diçka.

“Kur djali im ishte i vogël, e mbaja në krahë dhe më dhimbnin këmbët dhe kurrizi”.

“Ndjehesha si një grua e plakur prandaj vendosa të bëj diçka, por m’u desh shumë kohë. Kam bërë programe të ndryshme stërvitjeje, i kam provuar të gjitha”.

“Më pas bashkë me një shoqe vendosëm të bënim dhe kërcim në tub, që i jepte më shumë ngjyrim stërvitjes”.

Kjo e frymëzoi Vikki që më pas të bëhej instruktore fizike, me qëllimin për të ndihmuar ata që gjendeshin në situatë si ajo ku ishte gruaja më parë.

“Dikush që është mbipeshë e ka të vështirë të shkojë në mësimet e stërvitjes, kështu që nisa të jepja mesime stërvitjeje në Balbriggan dhe tani jam instruktore e trajnuar.”

Vikki ka faqen e saj të internetit dhe prej burra e gra të grupmoshës së saj, në të 40-at e 50-at.

FOTO GALERI
2/3
"Kur djali im ishte i vogël, e mbaja në krahë dhe më dhimbnin këmbët dhe kurrizi”.

Top Channel