Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Një ministër i qeverisë së Republikës Domenikane është qëlluar për vdekje në zyrën e tij nga një shok i fëmijërisë, njoftonin mediat vendase.
55 vjeçari Orlando Jorge Mera, ishte në një takim në Santo Domingo kur sulmuesi i armatosur Miguel Cruz hyri në zyrë dhe e qëlloi për vdekje.
Autoritetet thonë se Cruz është arrestuar.
Në një deklaratë familja e Mera tha se Cruz kishte qenë mik me ministrin që prej kohës së fëmijërisë.
“Megjithë atë që ndodhi ne e falim personin që bëri këtë. Një nga zakonet e mëdha të Orlandos ishte të mos mbante mëri,” tha familja.
Policia dhe organet e emergjencës vërshuan në ministrinë e mjedisit dhe të burimeve natyrore në kryeqytet pas lajmit të sulmit.
Mediat vendase thanë se kishin dëgjuar një total prej shtatë të shtënash. Sulmuesi që kishte hyrë i vetëm kishte arritur të largohej.
Bartolom Pujals, ministri i inovacionit të qeverisë tha se vdekja ishte një “tragjedi”.
“Ne domenikanët kemi arritur një akord paqeje dhe bashkëjetese, ne i kemi thënë jo dhunës”, tha ai.
Mera ishte ministër nga partia Revolucionare Moderne në koalicion.
Ai ishte emëruar ministër i mjedisit në gusht 2020.
Top Channel
