14-vjeçari ndiqte shoqen e shkollës prej muajsh, e goditi disa herë me thikë pasi ajo e refuzoi 22/09 14:52
Skema e ngjyrave
Madhësia e shkrimit
Administrata e Presidentit Donald Trump është e hapur për një takim me përfaqësuesit e Iranit gjatë Asamblesë së Përgjithshme të OKB-së në Nju Jork, por deri tani nuk është planifikuar një takim i tillë.
Sekretari amerikan i Shtetit, Marco Rubio, tha se Uashingtoni do ta mirëpriste një takim nëse ai do të krijonte mundësi për përparim diplomatik dhe do të ndihmonte në arritjen e objektivit amerikan për të parandaluar Iranin të zhvillojë armë bërthamore.
“Jemi sigurisht të hapur për diçka të tillë”, deklaroi Rubio në një intervistë për NBC.
Ministri i Jashtëm iranian, Abbas Araghchi, ka mbërritur në Nju Jork, ndërsa administrata Trump ka lejuar pjesëmarrjen e delegacionit të lartë iranian në Asamblenë e Përgjithshme të OKB-së. Në delegacion pritet të jetë edhe Presidenti iranian Masoud Pezeshkian.
Megjithatë, aktualisht nuk ka një takim të konfirmuar mes zyrtarëve amerikanë dhe iranianë.
SHBA-ja dhe Irani vijojnë të jenë në konflikt, ndërsa përpjekjet e mëparshme diplomatike për të zgjidhur mosmarrëveshjet kanë dështuar.
Çështja e programit bërthamor iranian mbetet një nga pikat kryesore të përplasjes mes dy vendeve, ndërsa deklarata e Rubio hap mundësinë për kontakte të reja diplomatike në Nju Jork.
Top Channel
