Zgjidhet misteri i ‘mallkimit të faraonit’ pas zbulimit të shkakut të vdekjeve në varrin e Tutankamun (fotot) 26/04 16:09
Një anije në Detin e Kuq është sulmuar sot në afërsi të brigjeve të Jemenit, njoftoi një grup monitorimi i komandës detare britanike.
Grupi i Operacioneve Tregtare Detare tha se sulmi ndodhi pranë brigjeve të Hodeida, qyteti port i kontestuar në Jemen, ku lufta civile e kthyer një konflikt të rëndë ndërkombëtar vijon prej gati shtatë vitesh.
Zyrtarët thanë se hetimet vijojnë për incidentin, por nuk dhanë të tjera detaje.
Edhe Flota e 5-të e SHBA konfirmoi se ishte “në dijeni” të sulmit por refuzoi të komentonte më tej për motivet apo përgjegjësit.
Koalicioni ushtarak i udhëhequr nga Arabia Saudite lufton në Jemenin e varferuar prej marsit 2015 kundër rebelëve jemenitë Houthi , që mbështeten nga Irani.
Këta të fundit kanë kontrollin e kryeqytetit Sanaa si dhe të qytetit port Hodeida, nga përflitet se ka ardhur sulmi i sotëm.
Incidenti shënon episodin më të fundit të sulmeve detare në rajonin e luftës së rëndë. Në janar rebelët Houthi sekuestruan anijen e Emirateve të Bashkuara, Rwabee, edhe këta pjesë e koalicionit luftarak të Arabisë Saudite.
Ekuipazhi i anijes u lirua muajin e kaluar për një marrëveshjeje të dobët armëpushimi gjatë muajt të Ramazanit. Armëpushimi duhet se vijon të qëndrojë i respektuar aktualisht.
Top Channel
