Pushtimi rus, Ukraina ka humbur 40% të tokës që kontrollonte në rajonin Kursk të Rusisë 24/11 18:00
Sekretari i përgjithshëm i vendeve eksportuese të naftës dhe presidenti i Venezuelës nxitën sot liderët botërorë të mos përdorin naftën si një armë.
Në takimin e tyre në pallatin presidencial në Karakas, Nicolas Maduro e Mohammed Barkindo, ranë dakord se nafta “nuk duhet të politizohet”.
“Përfitoj nga rasti t’i bëj thirrje liderëve të respektojnë parimet e bazë të OPEC, nafta duhet të depolitizohet, jo të përdoret për politikë ose për sanksione”, tha Barkindo.
Komentet e tij u mbështetën më vonë nga Maduro, i cili sinjalizoi se nafta e gazi duhet të përjashtohen nga “çdo lloj sanksioni.”
“Ne po shohim se sanksionet kundër naftës e gazit rus po kthehen në një bumerang për ekonominë dhe cilësinë e jetës në SHBA, Evropë dhe në botë”, tha më tej venezuelani.
Barkindo qëndron prej një jave në Venezuelë teksa ka vizituar rafineritë e vendit, i shoqëruar nga ministri venezuelan i naftës Tareck El Aissami.
Top Channel
