Gjermani: Gjoba të larta për përdorimin e kanabisit në timon 20/04 07:47
Kryeministri hungarez, Viktor Orban nuk ka pranuar kërkesën e presidentit ukrainas Volodymyr Zelensky për armë dhe sanksione më të ashpra kundër Rusisë.
Orban hodhi poshtë kërkesat e Zelensky në Këshillin Evropian, pasi sipas tij ato janë në kundërshtim me interesat e Hungarisë.
“Hungaria dëshiron të qëndrojë jashtë kësaj lufte, kështu që nuk do të lejojë transferimin e armëve dhe armëve në Ukrainë,” tha tha në një deklaratë zëdhënësi i qeverisë hungareze, Zoltan Kovacs.
Orban thotë se pakica etnike-hungareze në perëndim të Ukrainës do të kërcënohej nëse Hungaria dërgonte armë në Kiev.
Hungaria, një anëtare e BE-së dhe NATO-s, ka refuzuar të dërgojë ndihmë ushtarake në Kiev. Megjithatë, ajo ka lejuar më shumë se gjysmë milioni refugjatë ukrainas të hyjnë në territorin e saj.
BBC shkruan se Orban ka kultivuar lidhje të ngushta me presidentin rus Vladimir Putin vitet e fundit.
Zelensky i kërkoi Orbanit të enjten të miratonte zgjerimin e sanksioneve, dhe të ndërpriste lidhjet e biznesit me Rusinë.
Top Channel
