Kreu i qeverisë, Edi Rama komentoi protestën që po zhvillohet para kryeministrisë, ku tha se nuk i ka problem as sharjet e as mallkimet që po bëhen ndaj tij, por e vërteta qëndron ndryshe.
Gjatë daljes live në Facebook, Rama tha se i ka ndekur të gjitha reagimet që kanë ardhur ndaj tij, por nuk janë të vërteta, pasi ai nuk është rehat. Ai shtoi se është person i fundit në Shqipëri që prêt me qetësi rritjen e çmimeve në vendin tonë gjatë ditëve të fundit
Edi Rama: Kur më shan hajdut, thjesht shoh një hajdut më shumë që shan se më ka mësuar Kanti kush të shan pa prova ose e ka bërë vetë, ose është gati ta bëjë vetë. Qysh i vogël e kam mësuar që leku nuk bën punë as sa dheu. Nuk janë problem as ulërimat, as sharjet as mallkime, problemi themelor është bashkimi tek e vërteta dhe faktet. I kam ndjekur me shumë vëmendje reagimet dhe komentet tuaja qysh pas konferencës për shtyp ku folëm me shifra e fakte për thellimin e krizës energjitike dhe masat tona për mosrritjen e çmimit ndërkohë që çmimi i naftës vazhdoi të ngrihet duke e ngritur valën e natyrshme të shqetësimit.
Problemi është tek rëndësia që ka bashkimi në një situatë të tillë. Disa kanë bërë ironi për këtë, sipas tyre ti je në rehatinë tënde, ne e hamë goditjen, bashkimi është tallje. Nëse do isha rehat, nuk do isha në këtë detyrë ku jam njeriu i fundit në Shqipëri që i pres me qetësi rritjen e çmimeve dhe të gjithë problemet e tjera që krijohen apo që nuk do të rriten më shumë të ardhurat dhe kështu me radhë por mbase është e nevojshme të shpjegohet mirë me bashkimin tek e vërteta dhe faktet.
Top Channel
