Dy javë pas shkarkimit Yoon Suk Yeol! Koreja e Jugut e pakënaqur me zgjedhjen, voton për shkarkimin e presidentit në detyrë 27/12 08:58
Një grua që vrau me thikë të dashurin e saj abuzues është dënuar sot me tetë vjet burg nga një gjykatë në Britani.
Kayley Mahood u shpall sot e pafajshme sot për “vrasje” ndaj 31 vjeçarit boksier Oliver O’Toole, por juria e shpalli fajtore për “vrasje nga pakujdesia”.
Ajo e kishte qëlluar me thikë në zemër por pretendonte se kishte vepruar për vetëmbrojtje në ngjarjen në shtëpinë e saj në qytezën Burton-on-Trent më 25 korrik të vitit të shkuar.
Pas dhënies së dënimit të afërmit e O’Toole, duke përfshirë dhe nënën e tij, thanë se ishin të zhgënjyer dhe të neglizhuar nga gjykata.
Kjo e fundit tha: “Ne ndjeheshim sot sikur duke u gjykuar ishte im bir që ka vdekur. Gjykata dhe shoqëria duhet ta shikojnë ndryshe çështjen. Kjo ishte një tjetër jetë që merret nga dhuna në familje dhe krimi i armëve të ftohta.”
“Nëse dikush merr thikën dhe ka vendosur të lëndojë dikë, edhe vdekjen ndaj një personi, duhet të dënohet”, shtoi nëna e viktimës.
“Një ditë ajo do të jetë e lirë e do të vazhdojë jetën ndërsa im bir jo. Tre fëmijët e tij nuk do të kenë kurrë një baba me të cilin të ndajnë jetën.
Në gjykatë u sugjerua se Mahood kishte ‘braktisur’ O’Toole teksa ishte i përgjakur për vdekje, duke u thënë dëshmitareve se ‘e kishte bërë vetë’.
Në pamjet e kamerave trupore të policisë shiheshin momentet e arrestimit të 30-vjeçares pas incidentit, gjatë të cilit ajo ishte prerë mbi syrin e majtë.
Gjykata e Stafford dëgjoi të thuhej se çifti kishin pasur një marrëdhënie të stuhishme me episode dhunë nga të dyja palët.
Mahood tha e ishte goditur me grusht në fytyrë nga partneri i saj si dhe kishte marrë plagën pranë syrit, para se të godiste me thikë babanë e tre fëmijëve O’Toole.
Gjykatësja Kristina Montgomery i tha të akuzarës se kishte ‘konflikte të ashpra e të shpeshta mes të dyve’ që rrjedhimisht rezultonin në dhunë.
Ajo tha se Mahood kishte përdorur armën për t’u hakmarrë ndaj dhunës edhe para vrasjes: “Unë e pranoj se ti nuk kishte si qëllim ta vrisje pasi kjo lloj dhunë ka ndodhur edhe më parë mes jush”.
“Por jam e bindur se duke u armatosur me thikën e kuzhinës, e cila u gjet me gjakun e Oliver O’Toole në të, dhe duke e goditur në mënyrën që demonstruat këtu në gjyq, ju tentuat të shkaktoni lëndim të rëndë”.
Pasi ishit sulmuar më parë nga O’Toole ngjarjet e mëngjesit të 25 korrikut duket se i vunë kapakun për Mahood, konkludoi gjykatësja.
Avokatja mbrojtëse Rachel Brand sugjeroi se forca e moderuar e goditjes sugjeronte se e akuzuara kihste vepruar nga frika.
Por prokurorët thanë se Mahood kishte si qëllim ta vriste ose të shkaktonte lëndime të rënda.
Ata shtonin se O’Toole ishte rrëzuar në kopshtin e pasëm të shtëpisë pasi ishte parë duke u mbajtur nëpër mure.
Top Channel
