SHBA dhe Rusia përplasen edhe në hapësirë! Stacioni Ndërkombëtar Hapësinor përballet me një problem kritik të rrjedhjes së ajrit 15/11 17:13
Një 91-vjeçar ka vdekur në një aksident teksa tentonte të arratisej nga shtëpia e kujdesit në Itali, duke zbritur nga dritarja i lidhur me çarçaf në mes.
Mario Finotti ishte rezident në shtëpinë e të moshuarve Opera Pia Francesco Bottoni në Papozze, në rajonin verilindor të Veneto.
Ai po përpiqej të dilte nga dhoma e tij në katin e dytë duke zbritur nga dritarja me një çarçaf që kishte lidhur në mesin e tij.
Mediat vendase raportonin se lidhja e shtrenguar mund t’i ketë shkaktuar një shtypje fatale në mushkëri, duke e vrarë teksa mbetej i varur në çarçaf.
Punonjësit e qendrës e gjetën atë të varur nga dritarja e dhomës së tij mëngjesin e të martës, shkruan e përditshmja Corriere del Veneto.
Finotti ishte i lindur në qytet dhe kishte jetuar gjithmonë aty.
Ai nuk kishte fëmijë dhe nuk ishte martuar, madje kishte refuzuar kujdestarët në vitet e fundit.
Drejtori i shtëpisë së kujdesit Luca Avanzi tha për Corriere della Sera: “Jemi të shokuar nga kjo që ndodhi. Mario Finotti ishte mirë dhde nuk vuante nga sëmundje mendore. Nuk e dimë se çfarë ndodhte në mendjen e tij pasi nga ana psikologjike kishte qenë paqësor”.
Vetmia duket se është motivi i tentativës së Finotti për t’u larguar pasi kufizimet e ashpra Covid-19 në Itali, e ndalonin atë të bënte vizita. Prokuroria është duke hetuar incidentin.
Top Channel
