Komisioni i Rithemelimit të Partisë Demokratike ka depozituar një kallëzim penal ndaj kryedemokratit Lulzim Basha dhe sekretarit të Përgjithshëm, Gazment Bardhit. Arsyeja e kallëzimit lidhet me protestën e 8 Janarit, të thirrur nga ish lideri historik i PD, Sali Berisha.
Mbështetësit e ish-kryeministrit akuzojnë Bashën dhe Bardhin për shkatërrim prone, përdorim të lëndëve kimike në mënyrë të paautorizuar dhe përdorim dhune.
Protesta e thirrur nga ish kryeministri Sali Berisha përfundoi me një sulm të dhunshëm ndaj selisë së kësaj partie, ku dyer e dritare u thyen dhe u shkatërruan e po ashtu dhe mjediset e brendshme.
Ndërsa për përkrahësit e zotit Basha ka dyshime për shkeljen e rregullave për lëndët plasëse dhe shpërthyese, gjatë përpjekjeve për të sprapsur protestuesist që kërkonin të hynin në godinë.
Protesta e 8 janarit kishte si objektiv marrjen nën kontroll të selisë së Partisë Demokratike nga ana e zotit Berisha dhe mbështetësve të tij.
Dhuna u frenua vetëm nga ndërhyrja e forcave të policisë.
Top Channel
